“Şuşa İli” çərçivəsində həyata keçirilən “Şuşa və Bakı Gənclər İncəsənət Düşərgəsi” adlı beynəlxalq layihəyə yekun vurulub. Beynəlxalq Muğam Mərkəzində keçirilən bağlanış mərasimində mədəniyyət naziri Anar Kərimov da iştira edib.

“Youth ArtCamp Shusha and Baku” layihəsi çərçivəsində müxtəlif ölkələrdən gələn 16 gənc rəssamın işğadan azad olunmuş torpaqlarımıza səfəri təşkil olundu. 10 gün davam edən beynəlxalq layihənin sonunda rəssamların əsərləri sərgi vasitəsilə təqdim edildi. Bağlanış mərasimində çıxış edən mədəniyyət naziri Anar Kərimov layihənin Azərbaycan Mədəniyyət Nazirliyi, Azərbaycan Respublikasının UNESCO üzrə Milli Komissiyası, ölkəmizin İspaniyadakı səfirliyi və Andorranın UNESCO üzrə Milli Komissiyasının təşkilatçılığı ilə ərsəyə gəldiyini bildirdi. Qeyd etdi ki, gənc rəssamlar bu düşərgəyə qoşularaq ölkəmizin füsunkar təbiətinin gözəlliklərini kətana köşürməklə Azərbaycan mədəniyyətinin elçisinə çevriliblər. Daha sonra UNESCO-nun mədəni diplomatiya üzrə xoşməramlı səfiri Hedva Ser 2012-ci ildən başlanan layihə haqqında geniş məlumat verdi. Çıxış edənlər sərginin layihədə iştirak edən rəssamlar üçün çox əhəmiyyətli olduğunu bildirdilər.  Sonra sərgiyə baxış keçirildi. İncəsənət düşrgəsində iştirak edənlərin səfər haqqında fikirlərini də öyrəndik.

Sonda layihədə iştirak edən rəssamlara sertifikatlar təqdim olundu. Qeyd edək ki, layihə çərçivəsində gənc fırça ustalarının çəkdiyi rəsm əsərlərindən ibarət kataloqun hazırlanması və xarici ölkələrdə yayımlanması da nəzərdə tutulur.