“Sony Pictures” kino şirkəti, həmçinin Ceyson Reytman və Gil Kenan məşhur “Kabus ovçuları” filmi əsasında tammetrajlı animasiya filmi üzərində işləyir. Hələ adı açıqlanmayan film Brenda Hsyunun ssenarisi əsasında hazırlanacaq.

Xarici KİV-lər xəbər verir ki, filmin animasiya variantındakı rejissor işini Kris Prinoski və Cennifer Kluska icra edəcəklər.

Qeyd edək ki, məşhur “Kabus ovçuları” bədii filminin rejissoru isə Ceyson Reytmanın atası İvan Reytman olub və həmin filmdə əsas rollarda Bill Mürrey, Den Eykroyd, Harold Remis, Erni Hadson və Siqurni Viver çəkilib. Film nümayişə çıxdığı dövrdə ən baxımlı filmlər sırasında ilk yerləri tutaraq, eləcə də Rey Parkerin ifa etdiyi filmin eyniadlı məşhur soundtreki isə üç həftə ərzində Billboard Hot 100 musiqi hit paradında birinci yerə yüksəlmişdi.