Mədəniyyət TV yeni sənədli film hazırlayıb. “DOST-a zəng” adlanan bu film yardıma, diqqətə və sevgiyə ehtiyacı olan insanlara dövlət qayğısı məsələsinə həsr olunub. Filmin üç qəhrəmanı var, üçü də xanımdır. Onların hər birinin ayrı-ayrı həyat hekayəsi var. Bu həyat hekayələrinin hamısı eyni məkanda – DOST-da birləşir – Dayanıqlı və Operativ Sosial Təminat Agentliyində. Nədir bu üç xanımı bir məkanda birləşdirən? “DOST-a zəng” filminə baxanlar bu suala cavab tapa biləcəklər. Filmdə həmçinin Dayanıqlı və Operativ Sosial Təminat Agentliyi, bu agentliyin iş prinsipi və fəaliyyət dairəsi barədə ətraflı məlumat verilib.

Filmin rejissoru Adil Azay, ssenari müəllifi Afaq Vasifqızı, operatoru Adil Abbasovdur.

Filmə iyunun 3-ü saat 17:30-da Mədəniyyət TV-də baxa bilərsiniz.