"Vətən" Musiqi Qrupu - Türksoy Beynəlxalq Türk Mədəniyyəti Təşkilatının Xalq Çalğı Alətləri Orkestrinin solistləri xanəndə Babək Quliyev, tarzən Ruslan Zərbəliyev, kamança ifaçısı Pərviz Fərhadov Latviya Respublikasının Azərbaycandaki Səfirliyinin təşkilatçılığı ilə Şuşa şəhəri Qarabağ Otelində keçirilən Qarabağ Atlarının rəsm sərgisinin açılış mərasimində musiqi proqramı ilə çıxış ediblər.
Tədbirdə Latviya Respublikası Baş nazirinin müavini, Müdafiə Naziri vəzifəsini daşıyan Artis Pabriks da iştirak edib. Musiqiçilərimiz tədbir iştirakçıları qarşısında "Vətən yaxşıdır", "Azərbaycan oğluyam" mahnılarını ifa ediblər. Sonra iştirakçılar Şuşa Qalasını və Cıdır düzünü ziyarət ediblər. Musiqiçillərimiz Cıdır düzündə "Qarabağ Şikəstəsi"ni səsləndiriblər.
