Azərbaycanın turizm imkanları Türkiyədə təbliğ olunur. Bunun üçün İstanbulda öz işinə başlayan beynəlxalq turizm sərgisi növbəti fürsət yaradıb.

İstanbulda  dünyanın ən böyük turizm sərgilərindən biri olan “Şərqi Aralıq dənizi Beynəlxalq Turizm və Səyahət Sərgisindəyik. Belə bir sərgidə iştirak  ölkəmizin  turizm potensialının tanınması və turizm sahəsində görülən işlərə böyük bir dəstəkdir. Qeyd edim ki Azərbaycanın təmsil olunduğu stenddə yeni turizm destinasiyası olaraq təqdim olunan Qarabağa xüsusi maraq müşahidə olunur.

Sayca 25-ci olan beynəlxalq sərgidə Dövlət Turizm Agentliyinin və Azərbaycan Turizm Bürosunun nümayəndələri milli stendimizi təqdim edib. Pavilyonda, eyni zamanda 5 yerli turizm şirkəti, 1 mehmanxana qrupu və Azərbaycan Hava Yolları yer alıb. Milli stendimizi ilk ziyarət edənlərdən biri qardaş ölkənin Mədəniyyət və Turizm naziri oldu.

Sərgi ziyarətçiləri Azərbaycana, xüsusilə işğaldan azad olunan ərazilərimizə səfər etməkdə maraqlıdırlar.

53 ölkədən 200-dən artıq stendin olunduğu sərgi fevralın 12-dək davam edəcək.

Nemət Əkbərli, Azərbaycan Televiziyasının Türkiyə bürosu, İstanbul