İçərişəhərin Böyük qala küçəsində Qoşa Qala qapısı yaxınlığında 20 Yanvar hadisələrinə, Azərbaycan xalqının qəhrəmanlığına həsr olunan ev maketi yerləşdirilib.

“İçərişəhər” Dövlət Tarix-Memarlıq Qoruğu İdarəsinin ərsəyə gətirdiyi, ötən əsrin 90-cı illəri üslubunda hazırlanan maketin interyerinə həmin dövrü xatırladan əşyalar, xırda elementlər daxil edilib. Televizor monitorunda isə 1990-cı ildə hazırlanan xəbərlər, verilişlər və çıxışlardan ibarət videoçarx nümayiş edilir. Tarixi hadisə ilə bağlı canlı təəssürat yaradan instaliyasiya ilə yanvarın 23-dək tanış olmaq mümkündür.