Lüksemburq bağındakı Paris Muzeyində 20-ci əsrin müəmmalı fotoqraflarından biri olan Vivian Mayerin sərgisi keçirilir. Ekspozisiyada fotoqrafın 120 minə yaxın əsəri nümayiş olunur...
Vivian Mayer tez-tez eskizlər üçün şəhərin müxtəlif məhəllələrini gəzərək yorğun, tükənmiş insanların simalarını çəkirdi. Sonralar bu fotolar, dövrün ən qiymətli sübutlarına çevrildi. Dünyanın müəmmalı fotoqraflarından biri kimi tanınan Vivian uzun illər Nyu-Yorkda dayə olaraq çalışıb. Əsərləri yalnız 2009-cu ildə, ölümündən sonra geniş kütləyə tanınıb. Lüksemburq bağındakı Paris Muzeyində təşkil edilən sərgidə isə fotoqrafın 120 minə yaxın ağ-qara əsərləri nümayiş olunur. Kadrlarda Nyu Yorkun yarım əsrlik tarixi, meqapolisin qədim məkanları, eləcə də adi insanların məişət qayğıları, həyat tərzi əksini tapıb. Naməlum şəkildə dünyadan köçsə də, adı ötən əsrin məşhur fotoqrafları ilə bir sırada çəkilən Vivan Mayerə həsr olunan sərgi yanvarın 16-dək ziyarətçilər üçün açıq olacaq.
