O, səhnəyə qədəm qoyduğu ilk vaxtlardan milli ifaçılıq məktəbinin zəngin ənənələrini davam etdirməklə yanaşı, eyni zamanda, Azərbaycan estrada sənətinə yeni ab-hava gətirmişdir.  Müasir Azərbaycan estrada sənətinin tanınmış nümayəndələrindən biri, İlhamə Quliyevanın bu gün anım gündür.

Əmək fəaliyyətinə hələ tələbə ikən müxtəlif musiqi qruplarında çıxışlarla başlayan İlhamə Quliyeva öz istedadı sayəsində musiqi sənətinin incəliklərinə dərindən yiyələnərək tanınmış ifaçılar siyahısında öz yerini alıb. O, 1965-1970-ci illərdə Azərbaycan Dövlət Televiziya və Radio Verilişləri Komitəsinin Estrada-Simfonik Orkestrinin, 1970-1980-ci illərdə Azərbaycan Dövlət Filarrmoniyasının uzun müddət solisti olub. Musiqi sənətimizi dünyanın bir çox ölkələrində uğurlu çıxışları ilə təmsil edib.

Müasir Azərbaycan musiqi mədəniyyətimizin inkişaf etdirilməsində danılmaz xidmətləri həmişə layiqincə qiymətləndirilib. O, 1982-ci ildə Azərbaycan Respublikasının Əməkdar, 1998-ci ildə isə Xalq artisti Fəxri adları ilə təltif olunub. 2002-ci ildə Azərbaycanın ali mükafatlarından olan “Şöhrət”, 2013-cü iləd isə “Şərəf” ordenlərinə layiq görülüb. 

Mahmud Yaqub