Fransada nüfuzlu “Sezar” kino mükafatının nominantları elan olunub. “Biz nə düşünürük, nə edirik” filmi mükafatın 13 nominasiyasına təqdim olunub.

Fransanın Kinematoqrafiya İncəsənəti və Texnologiyaları Akademiyasının təsis etdiyi “Sezar” mükafatının namizədləri açıqlanıb. “Ən yaxşı film” kateqoriyası da daxil olmaqla Emmanuel Murenin “Biz nə düşünürük, nə edirik” filmi mükafatın 13 nominasiyasına təqdim olunub. Ekran əsərinin baş rol ifaçıları Nils Şnayder və Kameliya Jordan “Ən yaxşı aktyor” və “Ən yaxşı aktrisa” nominasiyalarında yarışacaqlar.

Fransua Ozonun “Yay 85”, Alber Dyupontelin "Qaldığım üçün xoşbəxtəm", Sebastyen Lifşitsin “Qızlar”, Kerolayn Vinyalın “Antuanetta Sevende” filmi Fransada ilin ən yaxşı ekran əsərləri siyahısına daxil ola bilər.

“Fransanın “Sezar” kino mükafatı 1976-cı ildə təsis olunub. Mükafat avanqard heykəltəraş Sezar Baldaçinninin şərəfinə adlandırılıb. Mükafatlandırma mərasimi martın 12-də planlaşdırılır.

Ülviyyə Heydərova