Dünyaca məşhur Azərbaycan Xalq rəssamı, YUNESKO Rəssamlar İttifaqının, Ümumdünya Rəssamlıq Akademiyasının həqiqi üzvü Sakit Məmmədov növbəti dəfə təltif edilib. Özünəməxsus rəsm manerası və təkrarolunmaz texnikası ilə seçilən fırça ustası Nyu York Elmlər Akademiyasının həqiqi üzvü seçilib.

Tanınmış rəssamın müxtəlif ölkələrdəki məşhur muzey və qalereyalarında, eləcə də şəxsi kolleksiyalarda onlarla əsərləri saxlanılır. “Minilliyin insanı” seçilmiş Sakit Məmmədovun yaradıcılığında əsas yeri portret janrı tutsa da, ahəngdar rəng palitrasına malik peyzajları, koloritli natürmortları müasir təsviri sənətimizin ən dəyərli nümunələrindən hesab edilir. Sakit Məmmədov həm də rəssamlaıqda “Opalizm” məktəbinin qurucusudur. Dünyanın əksər yerlərində sərgiləri təşkil olunan rəssam sənətdəki yenilikləri, qeyri-adi üslubu ilə Azərbaycan mədəniyyətini tanıdır.

Xavər Zairova