Rusiyanın Moskva vilayətində yerləşən “Yeni Yerusəluim” muzeyində holland intibahının görkəmli rəssamları olan Breygellərin sərgisi açılıb. Ekspozisiyanın böyük hissəsi indiyə qədər nümayiş olunmayan əsərlərdən ibarətdir.

“Breygellərin dövrü. Valeri və Konstantin Mauerqauz kolleksiyasından Niderland rəssamlığının nümunələri” adlanan sərgidə XVI–XVIII əsr qərbi Avropa təsviri sənətinin nadir əsərləri nümayiş olunur. Moskva vilayətindəki “Yeni Yerusəlim” muzeyində təşkil olunan ekspozisiyaya oğul Piter Breygellə yanaşı, ata və oğul Yan Breygellərin  70 rəsm əsəri daxildir. “Cəhənnəm rəssamı” təxəllüsünü qazanan oğul Piter Breygelin imzasını qəddarlığın, dəhşətli səhnələrin təsvirindən tanımaq mümkündür. Ata Yan Breygel isə natürmort janrının yaradıcılarından biridir. Buna görə də o,  “güllü”, yaxud “məxmər” təxəllüsü ilə tanınıb. Onun “Meymunların qonaqlığı” əsəri isə ideya və məzmunu ilə böyük maraq oyadır. Oğul Yan Breygelin natürmortu isə sərginin əsas tablolarından biridir. Burada müxtəlif fəsillərdə açan güllər vahid kompozisiyada təsvir olunub. 2021-ci il aprelin 11-nə kimi açıq olacaq sərgidə onlayn və oflayn formatda  maariflndirici tədbirlər, həmçinin mühazirə və ekskurlsiyalar təşkil olunacaq. “Yeni Yerusəlim” muzeyinin 100 illik yubileyinə həsr olunan layihələr çərçivəsində digər sərgilərin təşkili də nəzərdə tutulub.