“Gənclərə dəstək” layihəsi çərçivəsində ilin ilk konserti Filarmoniyada olacaq

7 Yanvar, 15:26 Sosial mediada paylaşın:

“Gənclərə dəstək” layihəsi çərçivəsində ilin ilk konsert proqramı M. Maqomayev adına Azərbaycan Dövlət Akademik Filarmoniyasında reallaşacaq.

Yanvarın 13-də təqdim olunacaq konserti dirijor Orxan Haşımovun bədii rəhbərliyi ilə Q.Qarayev adına Azərbaycan Dövlət Kamera Orkestri müşayiət edəcək.

Konsertdə respublikanın gənc ifaçıları müxtəlif musiqi nömrələri ilə çıxış edəcək, Azərbaycan və dünya bəstəkarlarının yaradıcılığına müraciət edəcəklər.

Qeyd edək ki, Mədəniyyət Nazirliyinin dəstəyi, “Mədəniyyət” kanalı və Azərbaycan Dövlət Filarmoniyasının birgə təşkilatçılığı ilə gerçəkləşən layihə çərçivəsində ötən il 20-dən artıq konsert proqramı təqdim edilib.