Azərbaycan Vokalçıları Festivalı çərçivəsində keçirilən konsertlər təkcə Bakı şəhərində deyil, ölkəmizin digər bölgələrində də uğurla davam edir.

Bu günlərdə Fikrət Əmirov adına Gəncə Dövlət Filarmoniyasında baş tutan konsert Gəncə və ətraf rayonlardan çoxsaylı auditoriya toplayaraq böyük rezonansa səbəb olub. Konsertdə Gəncə Dövlət Filarmoniyasının solistləri Üzeyir Hacıbəyli, Fikrət Əmirov, Süleyman Ələsgərov, Rauf Hacıyev və digər unudulmaz Azərbaycan bəstəkarlarının əsərlərini səsləndirərək tamaşaçılar tərəfindən alqışlarla qarşılanıb.