Azərbaycanda ilk dəfə ədəbiyyat internet radiosu açılıb. Layihənin məqsədi ədəbiyyata diqqəti artırmaqdır.

Yeni yaradılan “Litradio”, yəni ədəbiyyat radiosunun studiyası olmasa da, 24 saat onlayn efirdədir. Radioda gün ərzində qiraət ustaları ilə yanaşı, şairlərin öz ifasında şeirləri də səsləndirilir. Radionun rəhbəri, gənc şair Alik Əlioğlu vaxtilə Azərbaycan Radiosunda ədəbiyyata həsr edilən “Sözdən səsə” verilişinin müəllifi və aparıcısı olub. Deyir ki, ədəbiyyatla bağlı internet radiosu açmaq çoxdankı arzusu idi. 

Ədəbiyyat radiosunu Litradio.az portalından dinləmək mümkündür. Ağıllı telefonlar “Litradio”nu dinləmək üçün daha rahat imkanı yaradır. Belə ki, radionun Android sistemi üçün tətbiqi də mövcuddur.

Ülviyyə Heydərova, Elnur Abbasov