Aprel döyüşləri mədəniyyətimizdə

2 Aprel, 16:45 Sosial mediada paylaşın:

"Dördgünlük müharibə” adı ilə tarixə düşən “Aprel döyüşləri”ndən 5 il ötür. Ordumuzun bu şanlı səhifəsi mədəniyyətimizdə də yeni səhifə açdı. Aprel döyüşləri bütün dünyaya Azərbaycan Ordusunun gücünü, qələbə əzmini, ədalətin bərpa olunacağını göstərdi. “Dördgünlük müharibə” dörd ildən sonrakı “44 günlük müharibə"nin sankı “ön sözü”, “proloqu” idi.

"Aprel döyüşləri" qələbəyə gedən yolun işığını yandırmaqla ədiblərimizə, mədəniyyət xadimlərimizə ruh yüksəkliyi verdi. Onların yaradıcı ruhu təkcə şəhidlərin ruhunu anmadı, həm də qəhrəmanlarımızı yaşatmaq üçün səfərbər oldu. Bu illər ərzində Azərbaycan Televiziyası başda olmaqla bütün kanallar, prodakşınlar, stidiyalar, yaradıcılıq birlikləri sənədli filmlər hazırlamaqla ordumuzun şanlı səhifəsini kino tariximizə saldılar. "Aprel döyüşləri” təkcə sənədli xronika ilə gələcəyə ötürülmədi, Azərbaycan Televiziyasının sifarişi ilə “Lələtəpə əməliyyatı” adlı çizgi film də ərsəyə gəldi.

2017-ci ildə Horadizdə “Aprel şəhidlərinə xatirə abidəsi” yaradıldı. Müasir Azərbaycan ədəbiyyatının nümayəndələri isə Aprel döyüşlərində şəhidlik zirvəsinə ucalan qəhrəmanlarımızın döyüş yolundan söz abidəsi ucaltdılar. Yazıçı-publisist Şərif Ağayar əfsanəvi kəşfiyyatçı, Aprel şəhidi, polkovnik-leytenant Raquf Orucovun həyat yolundan “Komandir” romanı yazdı. Yazıçı, ömrünün 25 ilini torpaqlarımızın bütövlüyü uğrunda döyüşlərə sərf edən, “Murov qartalı” adını qazanan Raquf Orucovun canlı obrazını söz sənətilə əbədiləşdirdi.

 

Ülviyyə heydərova

CANLI YAYIM