Tretyakov qalereyasında yeni sərgilər açılır

22 Yanvar, 16:47 Sosial mediada paylaşın:

Rusiyanın  zəngin kolleksiyaya malik Tretyakov qalereyası pandeiya ilə əlaqədar tətbiq olunan karantindən sonra ziyarətçiləri qarşılamağa hazırdır. Sənətsevərlər yeni mövsümün açılışı münasibətilə muzeydə 7 müxtəlif sərgi ilə tanış ola biləcəklər...

Moskvanın incəsənət xəzinəsi sayılan Dövlət Tretyakov qalereyası fəaliyyətini bərpa edib. Üç fərqli binada yeddi müxtəlif sərgi ilə ziyarətçiləri qarşılayacaq muzeydə bir neçə sahəyə aid olan kompozisiyalar nümayiş olunacaq. Sənətsevərlərin səbrsizliklə gözlədiyi əsas ekspozisiyalardan biri rəssam Robert Falkın Yeni Tretyakovda nümayiş olunacaq sərgisidir. Bir neçə ay əvvəl onlayn təqdim edilən kolleksiyaya fırça ustasının 43 müxtəlif muzeydən toplanan 200-ə yaxın rəngkarlıq nümunəsi daxil edilib. Digər bir sərgi isə müasir rəssam və heykəltəraş, qeyri-adi instalyasiyaların müəllifi Alla Urbanın yaradıcılığına həsr edilib. Burada sənətkarın 2014-2020-ci illərdə yaratdığı 11 fərqli instalyasiya və iki video-film nümayiş olunacaq. “Gələcəyin laboratoriyası. Rusiyada kinetik incəsənət” adlı 3-cü sərgidə isə avanqard üslub nümayəndələrinin, eləcə də çağdaş rəssamların əl işləri təqdim ediləcək. Digər ekspozisiyalar isə fotoqrafiya sənətinə, qrafika işlərinə, bibliya eslkizlərinə və müasir rəssamlığa aid olacaq.

 

Xavər Zairova

CANLI YAYIM