Cənubi Koreyadakı tələbələrimiz Vətənə həsr olunan video-çarx ərsəyə gətirib. Video-çarxda 44 günlük Vətən müharibəsində rəşadətli Azərbaycan Ordusunun zəfərləri, Ali Baş Komandanın qələbə müjdələri və bu xəbərlərə dünyadakı bütün soydaşlarımız kimi Koreyada yaşayan həmvətənlərimizin də necə sevindiyi əksini tapıb.

Azərbaycanın Koreya Respublikasındakı səfirliyinin və Koreya Mədəniyyət Assosiasiyasının dəstəyi ilə BUTA Azərbaycan-Koreya Dostluq Assosiasiyasının üzvləri tərəfindən hazırlanan video-çarx sosial şəbəkələrdə böyük maraq doğurub.