Açılışda Heydər Əliyev Fondunun vitse-prezidenti Leyla Əliyeva, Bakı Media Mərkəzinin prezidenti Arzu Əliyeva, Xalq artisti Emin Ağalarov və digər qonaqlar iştirak ediblər.

“Nine Senses” incəsənət mərkəzi müxtəlif yaşlı və fərqli fəaliyyət növləri ilə məşğul olan şəxslər üçün maarifləndirici və əyləncəli proqramlar, tədbirlər və sərgilər təklif edən yaradıcılıq məkanıdır. Mərkəzdə müasir studiya və tədris otaqları, sərgi və tamaşa meydançaları, kafe və bir çox digər obyektlər mövcuddur. Burada fərdi və ya qrup, eləcə də ailəvi şəkildə yaradıcılıq fəaliyyətlərində iştirak etmək üçün imkanlar yaradılıb.

Məkanda aşağıdakı xidmətlər təklif olunur:

 * Bütün yaş və bacarıq səviyyələri üçün incəsənət dərsləri və sənətkarlıq emalatxanaları;
 * Əyləncəli həftəsonu proqramları;
 * Uşaqlar üçün yay məktəbləri;
 * Kino nümayişləri, teatr və rəqs tamaşaları;
 * Sərgilər;
 * Hədiyyə və yaradıcılıq ləvazimatları mağazası;
 * Peşəkar inkişaf proqramları;
 * Yaradıcılıq həvəskarları üçün görüş sahəsi.