Fotoqraf Fərid Qədirlinin "Yenidən doğulma" adlı fərdi sərgisi açılıb

17 Yanvar, 16:44 Sosial mediada paylaşın:

Bakı Fotoqrafiya Evində Fərid Qədirlinin “Yenidən doğulma. Rebirth” fərdi sərgisi keçirilib. Sərgi Abşeron mənzərələrinin təsviri, və xususi ilə Buzovnanın keçən ilin yayında rezonans doğuran qayalıqlarına həsr olunub.

Milyon illik tarixə malik əzəmətli Buzovna qayalığı Mikayıl Müşfiq, Səttar Bəhlulzadə, Tahir Salahov, Mircavad kimi görkəmli sənətkarlarımızın ilham mənbəyi olmuşdur. Onların özünəməxsus siluetləri milli kino sənətimiz üçün də çəkiliş meydançasına çevrilmişdir. Buzovna qayaları “Koroğlu”, “Yeddi oğul istərəm”, “Qorxma, mən səninləyəm” və s. filmlərdə əks olunmuşdur. Məhz bu qayaların fonunda dahi Müslüm Maqomаyevin möhtəşəm mahnıları səslənib.
Ekoaktivist və peşəkar fotoqraf Fərid Qədirli Azərbaycan Dövlət Mədəniyyət və İncəsənət Universitetinin Kinooperator ixtisası üzrə məzunudur. 15 ilə yaxındır ki, fotoqrafiya ilə məşquldur, fərgli jurnallarda fəaliyyət göstərir. Azərbaycan Fotoqraflar Birliyinin üzvü olaraq, qurumun təşkil etdiyi sərgi və müsabiqələrdə iştrak edir. 2015-cü ildə “Azərbaycan ailəsi” film festivalında “Sosial şəbəkələrdə ən çox bəyənilən fotoşəkil” nominasiyasında qalib olmuşdur.
Buzovna qayalığı Fərid Qədirlinin Abşeron mənzərələrinə yeni baxışdır. 40-a yaxın dinamik rakurslu fotoların əsas qəhrəmanları qayalar və onlara çırpınan dalğalardır. Qədirlinin seçdiyi kadrlarların hər biri müstəqil fotozona olaraq, Xəzərin sahilinin effektini tamaşaçıya ötürür.
Tədbirin açılışında sənətşünas Sevil Kərimova, Xalq rəssamları Arif Əziz, Aydın Rəcəbov, Əməkadar incəsənət xadimi, professor Rafiq Qəmbərov, Əməkdar rəssam Vüqar Əli çıxışlarında sərginin əhəmiyyətini vürğulayıblar.

CANLI YAYIM