Noyabrın 26-da Azərbaycan Dövlət Gənc Tamaşaçılar Teatrında balaca tamaşaçılar üçün hazırlanmış “Dəcəl keçi” tamaşası nümayiş olunacaq.

Azərbaycan xalq nağılları əsasında gənc yazıçı və dramaturq Pərvin Nurəliyevanın “Dəcəl keçi” adlı səhnə əsərinin quruluşçu rejissoru Ayla Osmanovadır.

Tamaşada rolları Səbinə Məmmədzadə, İlqarə Tosova, Zümrüd Quliyeva və digər aktyorlar canlandırırlar.

Qeyd edək ki, kiçik yaşlı tamaşaçılar üçün nəzərdə tutulmuş səhnə əsərinin əsas ideyası keçinin timsalında xudpəsəndlik, tənbəllik, yalan və lovğalıq kimi mənfi cəhətlərin tənqididir.