Bakıda “Nisa” Groupun təşkilatçılığı, “Cultural Network House” (“Mədəniyyət Şəbəkələr Evi”) Assosiasiyasının və Bakı Şəhər Mədəniyyət Baş İdarəsinin dəstəyi ilə “Kids Festival” keçirilib.

Festival çərçivəsində Əməkdar artist, sənətşünaslıq üzrə fəlsəfə doktoru Toğrul Əsədullayevin rəhbərliyi ilə həyata keçirilən “Ustad dərsləri” layihəsində iştirak edən uşaq musiqi və incəsənət məktəblərinin şagirdlərdən ibarət xalq çalğı alətləri ansamblı,

F.Əmirov adına 6 nömrəli onbirillik incəsənət məktəbinin “Nağara” ansamblı, H.Sarabski adına 7 nömrəli uşaq musiqi məktəbinin “Saz” Ansamblı, Şüvəlan qəsəbə Mədəniyyət Evinin və Xətai rayon Mədəniyyət Mərkəzinin nəzdindəki “Səma” rəqs ansamblı rəngarəng musiqi proqramı ilə çıxış ediblər.

Festival proqramına, həmçinin animasiya şousu, teatr tamaşaları, nağıl saatı, uşaqlar və böyüklər üçün ustad dərsləri də daxil olub.