Mədəni irsimiz olan qurama beynəlxalq səviyyədə nümayiş olunub

26 Avqust, 17:04 Sosial mediada paylaşın:

Azərbaycan mədəniyyətində özünəməxsus yer tutan dekorativ sənət nümunəsi qurama “İçərişəhər” Dövlət Tarix-Memarlıq Qoruğu İdarəsi tərəfindən ölkəmizin hüdudlarından kənarda beynəlxalq səviyyədə təqdim olunub.

Avqustun 22-28-də Çex Respublikasının paytaxtı Praqa şəhərində keçirilən Beynəlxalq Muzeylər Şurasının (ICOM) 26-cı konfransında ölkəmizi təmsil edən “İçərişəhər” Dövlət Tarix-Memarlıq Qoruğu İdarəsinin nəzdində fəaliyyət göstərən Muzey Mərkəzinin direktoru Əminə Məlikova “Qurama - Azərbaycan Xalq Tətbiqi Sənəti” adlı məruzə ilə çıxış edib.

O, son dövrlərdə unudulmaq təhlükəsi yaşayan qurama sənətinə yeni həyatın verilməsi, dünyada tanıdılması məqsədilə həyata keçirilən layihələrdən, o cümlədən “Qala” Dövlət Tarix Etnoqrafiya Qoruğunda yaradılan Qurama Mərkəzindən, bu il respublikamızda ilk dəfə keçirilən Milli Qurama Festivalından bəhs edib.

CANLI YAYIM