Bu ilin iyun ayında dünyasını dəyişən əfsanəvi “Laskovıy May” qrupunun solisti Yuri Şatunova həsr olunmuş “Sea Breeze”də çəhrayı axşam” adlı konsert proqramı təqdim olunacaq.

Sentyabrın 10-da təşkil ediləcək konsertdə Azərbaycan estradasının ulduzları Nadir Rüstəmli, Emin Həsən, Rilaya və başqaları onun ən məşhur hitləri olan “Ağ qızılgüllər”, “Yay isə səmanın rəngidir”, “Boz gecə” mahnılarını ifa edəcəklər.

Qeyd edək ki, “Laskovıy May” qrupunun musiqilərinin sədaları altında bütöv bir nəsil yetişib. Yuri Şatunovun yaradıcılığı həm Rusiyada, həm də Azərbaycanda sevilir. O, qayğısız gəncliyin simvolu və milyonların kumiridir.