Tofiq Quliyev və Müslüm Maqomayevin heykəllərinin quraşdırılmasına başlanılır

4 Avqust, 13:55 Sosial mediada paylaşın:

Tofiq Quliyev və Müslüm Maqomayevin heykəllərinin qoyulması istiqamətində işlər davam etdirilir.

Bunu jurnalistlərə açıqlamasında mədəniyyət naziri Anar Kərimov deyib. 
O bildirib ki, hazırda quraşdırma işləri mərhələsindəyik.

“Quraşdırma işləri başa çatdıqdan sonra açılış mərasimi barədə ictimaiyyətə məlumat veriləcək. Hələlik tarix məlum deyil”, -deyə Anar Kərimov bildirib.

“Müslüm Maqomayevin abidəsinin ucaldılması haqqında” Azərbaycan Respublikası Prezidentinin 12 mart 2020-ci il tarixli 1927 nömrəli Sərəncamının icrası məqsədilə Azərbaycan Respublikası Mədəniyyət Nazirliyinin sifarişi əsasında hazırlanan Xalq rəssamı, akademik Ömər Eldarovun müəllifi olduğu heykəlin son tamamlama işləri aparılır və yaxın zamanda Bakı şəhərində Dənizkənarı Milli Parkın ərazisində, dəniz tərəfdən Dövlət Kukla Teatrının yaxınlığında ayrılmış yerdə ucadılması nəzərdə tutulur.

“Tofiq Quliyevin abidəsinin ucaldılması haqqında” Azərbaycan Respublikası Prezidentinin 20 may 2021-ci il tarixli 2654 nömrəli Sərəncamının icrası məqsədilə Azərbaycan Respublikası Mədəniyyət Nazirliyinin sifarişi əsasında heykəltəraş Tural Rzaquliyev tərəfindən hazırlanması nəzərdə tutulan heykəlin isə paytaxtda, keçmiş “Bakı” mehmanxanasının yerində salınmış parkda ucadılması planlaşdırılır.

CANLI YAYIM