Dövlət Film Fondunda Xalq artisti Amaliya Pənahovanın xatirə gecəsi keçiriləcək

14 İyun, 17:25 Sosial mediada paylaşın:

İyunun 16-da Azərbaycan Dövlət Film Fondunda unudulmaz sənətkar, Xalq artisti Amaliya Pənahovanın doğum günü münasibətilə xatirə gecəsi keçiriləcək.

Dövlət Film Fondundan bildirilib ki, gecədə sənətkarın həyat və yaradıcılığından danışılacaq, onun mədəniyyətimizin inkişafındakı xidmətləri vurğulanacaq.

Qeyd edək ki, Azərbaycan Dövlət Film Fondunda Amaliya Pənahovanın şəxsi arxiv fondu da yaradılıb.

Fonda görkəmli sənətkarın 80 nadir fotoşəkli, kitabları, şəxsi sənədləri, qəzet və jurnallar daxil olub. Xalq artistinin şəxsi arxiv fondunun yaradılması sənətkarın doğum gününə ithaf olunub. Şəxsi arxiv fonduna daxil olan sənədlər sənətkarın qızı Aynur Muxtarova tərəfindən təhvil verilib.

Xatırladaq ki, Amaliya Pənahova “Əhməd haradadır?”, “Həyat bizi sınayır”, “Xatirələr sahili”, “Səmt küləyi”, “Mezozoy əhvalatı”, “Arxadan vurulan zərbə”, “Qərib cinlər diyarında”, “Mən mahnı qoşuram”, “Babək”, “Gözlə məni”, “Bircəciyim”, “Cavad xan” kimi filmlərdə yaddaqalan obrazlar yaradıb.

CANLI YAYIM