“The Walt Disney Company” kompaniyasının rəqəmsal yayım platforması “Disney Plus” bu gündən etibarən Türkiyədə fəaliyyətə başlayır.

“Disney Plus” Türkiyədə 170-i orijinal olmaqla 1000-dən çox film, 400-dən çox serial, sənədli və xüsusi məzmunlu arxiv, 16 mindən çox seriyadan ibarət yerli orijinal istehsalı tamaşaçılara təqdim edəcək.

Qeyd edək ki, “Disney Plus” daha əvvəl Türkiyədə yayımlanacaq ilk xüsusi istehsalın Engin Akyüreyin baş rolda olduğu "Kaçış" serialı olacağını açıqlamışdı.

Platformada daha çox maraq doğuran məzmun isə Türkiyə Cümhuriyyətinin yaranmasının 100-cü ildönümü olan 2023-cü ildə premyerası gözlənilən “Atatürk” layihəsidir.