Bakı yay caz günləri keçiriləcək

10 İyun, 17:02 Sosial mediada paylaşın:

İyulun 6-7-də Heydər Əliyev Mərkəzinin parkında açıq havada caz musiqisi pərəstişkarları üçün növbəti sənət bayramı – 4-cü Bakı yay caz günləri keçiriləcək.

Festival pandemiya səbəbindən yaranmış ikiillik fasilədən sonra fəaliyyətini bərpa edir. Festival Heydər Əliyev Mərkəzi, Azərbaycan Mədəniyyət Nazirliyi və “Premier LTD” şirkətinin təşkilatçılığı ilə həyata keçəcək.

Əvvəlki festivalların iştirakçılarının coğrafiyasına İsveçrə, Fransa, İsrail, Gürcüstan, ABŞ, Türkiyə, Macarıstan, Rusiya kimi ölkələr daxil idi. Bu layihə çərçivəsində Avichai Kohen, Erik Eruffaz, Jacky Terrasson, Stephane Belmondo, Nik West kimi bir çox məşhur musiqiçilər Bakıda ilk dəfə çıxış ediblər.

İyulun 6-da festivalı amerikalı caz pianoçusu və bəstəkarı Emmet Kohen öz triosu ilə açacaq. İyulun 7-də proqram məşhur İsveç-Türkiyə saksofonçusu, bəstəkar, aktyor, prodüser İlhan Erşahinin kvarteti ilə davam edəcək. Hər iki gün festival səhnəsində həmçinin Azərbaycanın caz qrupları yer alacaq.

Konsertlərə giriş sərbəstdir.

CANLI YAYIM