ADMİU-da Azərbyacanla İtaliya arasında diplomatik əlaqələrin qurulmasının 30-cu ildönümünə həsr olunmuş tədbir keçirilib

1 İyun, 12:53 Sosial mediada paylaşın:

Ölkənin aparıcı və qocaman ali təhsil müəssisəsi olan Azərbaycan Dövlət Mədəniyyət və İncəsənət Universitetinin 100-illiyi ərəfəsində “99+1” proqramı çərçivəsində “Paralel dünyalar” layihəsinin növbəti mərhələsi təqdim olunub. Layihənin məqsədi xarici ölkələrin səfirlikləri ilə ortaq tədbirlərin keçirilməsidir. Azərbaycanın dünyaya inteqrasiyasıyanı, dünya ölkələri ilə olan qarşılıqlı tarixi-mədəni münasibətlərininın bədii interpretasiyasını, mövcud vizual stereotipləri açıqlayan layihə Universitetin təhsil və bədii yaradıcılıq müstəvisində mübadiləni gücləndirməyə yönəlmişdir. Hazırkı tarixi məqamda, 2022-ci ildə Azərbaycan bir sıra ölkələrlə diplomatik münasibətlərinin qurulmasının 30-illik ildönümlərini qeyd edir. Ölkəmizdə fəaliyyətdə olan səfirliklərin və ADMİU-nun tələbələrinin ortaq tədbirləri vasitəsi ilə hər iki yubileyi qeyd etmək, davamlı və dayanıqlı əməkdaşlıq formalışdırmaqdır. Tədbirlərin formatı hər iki tərəfin bədii fəaliyyətini vurğulayır. Universitetimizin universallığını nəzərə alaraq, burada bütün fakültələrin cəlb edilməsi xüsusi vurğulanır. Tədbirlərin məzmunu seçilən ölkələrin tarixi, mədəniyyəti və incəsənətinin təqdimatının fərdi bədii interpretasiya formatında işlənməsidir. 2023-cü il üçün isə layihənin davamı nəzərdə tutulmuşdur.

31 may tarixində “Paralel dünyalar” layihəsinin İtaliyaya həsr olunmuş tədbiri keçirilib. Müasir mərhələdə Azərbaycan və İtaliya arasında mövcud olan strateji əməkdaşlıq dərin tarixi köklərə və mədəni mübadiləyə əsaslanır. Qədim Roma dövründən başlayaraq, Orta əsrlərdə xüsusi əhəmiyyətə malik olan siyasi, iqtisadi və ticari əlaqələr, Azərbaycanın müstəqilliyini bərpa etməsi ilə yeni formatlarda davam edir. ADMİU-nun təhsil proqramlarında İtaliya incəsənətinin nailiyyətlərinin əks olunması, akademik rəngkarlıq, musiqi, teatr ənənələrinin tətbiqi, dizayn sahəsində təsirləri layihəni ilhamlandıran amillərdən oldu. Tədbirin açılış mərasimində ADMİU-nun rektoru, professor Ceyran Mahmudova, İtaliyanın Azərbaycanda fövqaladə və səlahiyyətli Səfiri Klaudio Taffuri, Paralel dünyalar layihəsinin rəhbəri, ADMİU-nun Rektor müşaviri Sevil Kərimova çıxış etdilər.
Tədbirin birinci hissəsində təqdim olunan “Mia İtalia/Mənim İtaliym” sərgisi Rəssamlıq fakültəsinin tələbələri tərəfindən (bədii rəhbər: Əməkdar rəssam Rəşad Cabarov) İtaliyanın tanınan motivlərini, mənzərə və obrazlarını özünəməxsus tərzdə və fərqli texnikalarda əks olunub.
İkinci hissə ADMİU-nun daha iki ixtisas istiqamətini İtaliya prizmasından əks edir. Musiqi fakultəsinin təqdim etdiyi “Amore mio/Sevdam” konsert proqramı (bədii rəhbər: Məryam Babayeva) iilər boyu dillərdə olan İtaliya musiqisinin incilərindən ibarətdir. Burada Neapol mahnıları, əfsanəvi San Remo festivalının seçmələri səsləndi.
“Rinascimento. Amore eterna/İntibah. Əbədi eşq” adlı qeyim kolleksiyası müvafiq ixtisas üzrə təhsil alan tələbələr tərəfindən hazırlanıb (bədii rəhbər: Aysel Əzizova). Son illərin dəbi olan “Renaissancecore” üslubuna müraciət tələbələrin interpretasiyasında Mikelanjelo, Fra Anjelo, da Vinçinin, Jentileski və sair rəssamların bədii motivləri yeni formatlarda canlandırır.

 

Fotolar Rüstəm İsmayılovundur

CANLI YAYIM