Ankarada Əhməd Cavadın yubileyi keçiriləcək

5 May, 12:59 Sosial mediada paylaşın:

Milli Məclisin deputatı Əziz Ələkbərov Türkiyənin paytaxtı Ankara şəhərində səfərdədir.

Deputat burada Azərbaycanın görkəmli şairi, tanınmış maarifçi və ictimai xadim Əhməd Cavadın Azərbaycanın Türkiyədəki səfirliyinin təşkilatçılığı ilə keçiriləcək 130 illik yubiley mərasimində iştirak edəcək.

Tədbirdə Əhməd Cavadın xatirəsi anılacaq, onun Azərbaycan ədəbiyyatında rolundan, dövlətimizin istiqlal mübarizəsinə verdiyi layiqli töhfələrdən, həyat və yaradıcılığından bəhs ediləcək.

Əziz Ələkbərli, həmçinin Ankara şəhərində yerləşən Türk Tarix Muzeyində olacaq və böyük şairin heykəlinin açılış mərasiminə qatılacaq.

Səfər mayın 6-da başa çatacaq.

CANLI YAYIM