Əyyub Quliyevin rəhbərliyi ilə Tatarıstanda “Sevgi şərbəti” operası nümayiş edilib

29 Aprel, 12:06 Sosial mediada paylaşın:

Tatarıstan Dövlət Akademik Opera və Balet Teatrının dəvətilə Əməkdar artist, Azərbaycan Dövlət Akademik Opera və Balet Teatrının baş dirijoru və musiqi rəhbəri Əyyub Quliyevin rəhbərliyi ilə dahi italyan bəstəkarı Qaetano Donisettinin “Sevgi şərbəti” (L’elisir d’amore) operasının uğurlu nümayişi olub.

Üç nüfuzlu teatrın solistlərinin yer aldığı tamaşa böyük səbirsizliklə gözlənilirdi. Biletlər artıq bir neçə həftə öncədən tam olaraq satılıb. 2014-cü ildə tanınmış rus rejissoru Yuriy Aleksandrovun quruluş verdiyi tamaşada əsas rolları Mixaylovski Opera Teatrının solisti Damir Zakirov (Nemorino), Tatarıstanın Əməkdar artistləri Gülnora Qatina (Adina), Yuriy İvşin (Belkore), İrek Fattaxov (Dulkamara) və Venera Protasova (Canetta) təqdim ediblər. İstedadlı müğənnilər və azərbaycanlı dirijorun məharətli ifası dinləyicilər tərəfindən böyük alqışlarla qarşılanıb.

Qeyd edək ki, Tatarıstan Dövlət Opera Teatrının direktoru Raufal Muxamedzyanov tamaşadan sonra dirijor Əyyub Quliyevi uğurlu tamaşa münasibətilə təbrik edərək dahi rus opera müğənnisi Fyodor Şalyapinin 150-liyinə həsr olunmuş beynəlxalq festivala dəvət edib.

CANLI YAYIM