Aprelin 30-da Bakıdakı Rus Evində Pasxa bazarı xeyriyyə aksiyası təşkil olunacaq.

Rusiya İnformasiya-Mədəniyyət Mərkəzinin (RİMM) mətbuat xidmətindən a bildirilib ki, tədbir Rus Pravoslav Kilsəsinin Bakı və Azərbaycan Yeparxiyası, Rusiya həmvətənlərinin koordinasiya şurası, Azərbaycanın rus icması, Rus mədəniyyəti mərkəzi, “Yaşlek” Tatar gəncləri mərkəzinin dəstəyi ilə keçirilir.

Tədbirə gələnlər ustaların əl işlərindən ibarət məhsulları ala bilərlər. Xeyriyyə aksiyasından əldə edilən vəsait valideyn himayəsindən məhrum olmuş uşaqların ehtiyaclarının ödənilməsinə yönəldiləcək.

Qeyd edək ki, Pasxa bazarı saat 12.00-dan 17.00-dək açıq olacaq.