Rusiyanın Ria-Novosti informasiya agentliyi Bakıya həsr olunmuş material dərc edib.

“Bakını görən ona vurulur: “təzadlar şəhəri”nin populyarlığını sirri nədir” adlı materialım müəllifi Olqa Kabanova Azərbaycanın paytaxtı barədə söhbət açır, vurğulayır ki, bu şəhərin qonaqlarını qədim malikanələr və göydələnlər, dənizin və ədviyyatın qoxusu, dolanbac küçələr, qonaqpərvər sakinlər və dünyada ən dadlı plov gözləyir.

Oxuculara Azərbaycan paytaxtında nəyə baxmaq, paxlava ilə ətirli çayı və narşərabı harada dadmaq, Bakıdan qayıdarkən oradan nə götürmək və “təzadlar şəhəri” boyunca gəzərkən hansı qaydalara əməl etmək barədə məsləhətlər verilir.