29 ildən sonra Qubadlı rayonunda ilk Novruz şənliyi keçirilib

16 Mart, 15:59 Sosial mediada paylaşın:

"Vətənimiz Azərbaycan" verilişinin çəkiliş qrupu Qubadlı rayonunun Poladlı kəndində kənd camaatının təşkil etdiyi Novruz şənliklərini, kəndin erməni işğalından sonrakı görüntülərini, tarixi abidələrini və adət-ənənələrini lentə alıb.

Kəndə səfər edənlərin əksəriyyəti birinci və ikinci Qarabağ müharibəsi iştirakçıları, şəhid ailəsi üzvləridir. Çəkiliş zamanı onlar Novruz şənliklərindən, adət-ənənələrdən, böyük qaydışdan, kəndin toponimlərindən söhbət açıblar. 29 illik həsrətdən sonra simvolik olaraq kənddə 29 ağacın əkilməsi və kənd sakinlərinin hər birinin öz evini taparkən hiss və həyacanını, poladlılar tayfasının tarixi haqqında fikirlərini ön plana çəkilib...
Novruz şənliklərində gənc nəslə doğma yurda qaydış və adət-ənənələrimiz təbliğ olunub...

Tədbirin daha maraqlı və adət-ənənələrə uyğun olması üçün yun darağı, cəhrə, nehrə, kəlağayı, buxara papaq, şah, vəzir geyimləri və s. təşkil edilib.
Xalq oyunları keçirilərkən və xalq musiqiləri ifa olunarkən milli geyimlərdən istifadə olunub.

Tar, kaman, xanəndə, nağara, zurna, kəndirbaz, keçəl, bahar qızı, pəhləvan - bu ifaçıların iştirakı Novruz şənliklərini daha da rəngarəng edib...

Verilişə mart ayının 19-u saat 18:30-da "Mədəniyyət" telekanalında baxa bilərsiniz.

CANLI YAYIM