"Mədəniyyət" kanalı 11 yaşında

14 Fevral, 16:34 Sosial mediada paylaşın:

Azərbaycanın Şərqə bəxş etdiyi ilklər sırasında Televiziya da var. Azərbaycan Televiziyası 66, Mədəniyyət kanalı isə 11 yaşını qeyd edir. 

Bu gün səhər Azərbaycan Televiziyasında tamamilə fərqli ab-hava hökm sürürdü. Əsl bayram əhval-ruhiyyəsi var idi. Hər kəs bir-birini tədrik edir, yaradıcılıq uğurları arzulayırdı. Çünki bu gün Azərbaycan televiziyası 66, Mədəniyyət kanalı isə 11 yaşını qeyd edir. Düz 11 il əvvəl dövlətin mədəniyyət sahəsində gördüyü işləri ictimaiyyətə çatdırmağa başlayıb. Bu yolda çətinlikləri də olub, uğurları da.. Amma ən əsası ona göstərilən etimadı doğrulda bilib. Bu illər ərzində kifayət qədər tamaşaçı auditoriyası qazanıb. Hədəfi isə öz seyçilərinə daha maraqlı verilişlər təqdim edib onların sevgisini artırmaqdır.

Yüksək tamaşaçı marağı nəzərər alınaraq Mədəniyyət televiziyası artıq reytinq cədvəllərinə də qoşulur. Ən baxımlı verilişlər siyahısına “Mədəniyyət Xəbərləri” və “Səhərçağı” liderlik edir.

İnsanlara xoş əhval-ruhiyyə bəxş edən, onların günlərini poziitivə kökləyən Mədəniyyət kanalının Səhər Çağı verilişi tamaşaçılarını hər gün bu studiadan salamlayır.

Televiziyanın böyük maraqla izlənilən verilişləri arasında “Agent 001”, “Epizod”, “3-cü zəng”, “60 saniyə”, “Bildiyiniz kimi deyil”, “O” proqramlarının adları da çəkilir. Yaxın vaxtlarda təqdim olunacaq layihələrin də populyarlıq qazanacağı gözlənilir. Çünki, burada peşəkar komanda çalışır...

 

Sevinc Hidayət, Zaur Dadaşov

CANLI YAYIM