1850-ci ildə Azərbaycanda ilk aptek istifadəyə verilir. 172 ildir ki, fasiləsiz fəaliyyət göstərən aptekin harda yerləşir və hazırda hansı vəziyyətdədir?

Qədim saat, aptekin açılışını bildirən zəng, kassa aparatı, köhnə mebellər. Hamısı keçmişi xatırladır. Yalnız müasir dərman preparatlarından 21-ci əsr olduğu aydınlaşır. Əczaxana 1850-ci ildə Neftçalanın Bankə qəsəbəsində balıqçılar arasında vəba, taun, yatalaq, qızdırma xəstəliklərinin yayılmasının qarşısını almaq üçün yaradılıb. Əvvəl gəmidə fəaliyyət göstərib. 2 il sonra Bankə Balıqçılıq Kombinatının əsas korpusuna köçürülüb. Hazırki binada isə 1925-ci ildən yerləşir...

Yarandığı dövrdə də hətta Bakı, Gəncə, Lənkəran kimi şəhərlərdən həkimlər və xəstələr çətin əldə olunan dərmanlar üçün ölkənin bu ilk və yeganə aptekinə üz tuturmuşlar. Aptekin yerləşdiyi iki mərtəbəli, 36 otaqlı bina 100 il əvvəl inşa edilib. Qırmızı kərpicdən tikilən bu qədim binanın təmirə ciddi ehtiyacı var.

Binanı əsaslı təmir etməklə burada ölkənin əczaçılıq muzeyini də yaratmaq olar. Bu həm də turistlərin marağını Neftçalaya çəkər. Axı bura həm də balıq vətəkələri ilə zəngindir. Ölkənin nəhəng nərəbalıqyetişdirmə müəssisələri Bankə qəsəbəsində yerləşir. İlk aptekin tanıdılması onun turizm obyektinə çevrilməsinə də imkan yaradacaq.