Bahar dəbi-2019 yeni model geyimlərlə xanımların qəlbini daha da ovsunlayacaq

05 April 2019

Yaz fəslinin ən cəlbedici geyim tərzləri  və rəngləri elan edilib.

Günəşli günlərin gəlişilə sarı rəng  çaları  modelyerlərin üslubunda  özünü  göstərməyə başlayır. Sarının hər çaları  bahar aylarının sevimlisi olacaq.  Geyimlərdə qızılı sarı, xardal sarısı, limon sarısı və başqa çalarlar  istifadə etmək mümkün olacaq.  Onu da deyək ki, 80-ci illərin dəbi geri qayıdır. Qabarıq qollar 2019 bahar mövsümünün  dəbli detallarındandır. Havaların isinməsi ilə iddialı geyimlər ön plana çıxır. İri  şlyapalar da 2019-cu ilin dəbinə cazibə qatacaq. Kombinləri fərqli şlyapa modelləri ilə tamamlayaraq dəbli görünüşə sahib olmaq mümkündür. Bu il kostyumlar da dəbdədir. Hər rəng çalarında olacaq kostyumlar  fərqli detalları ilə ön plana çıxır. Xüsusilə, gözə çarpan rənglərdəki kostyumlara üstünlük veriləcək. Qeyd edək ki, işçi geyimlərini xatırladan kombinezonlar bu il trend olmağa iddialıdır. Baharı çiçəkli parçalardan olan geyimlərlə qarşılamaq isə mövsümün  əsas istiqamətlərindən biri hesab olunur



© 2018 Azərbaycan Televiziya və Radio Verilişləri Qapalı Səhmdar Cəmiyyəti