Yasamal rayon Heydər Əliyev Mərkəzində şagirdlərə Aprel döyüşləri barədə məlumat verilib

04 April 2019

Aprelin 4-də Yasamal rayon Heydər Əliyev Mərkəzinə 53 nömrəli tam orta məktəbin şagirdlərinin ekskursiyası təşkil edilib.

Baş İdarədən bildirilib ki, şagirdlər mərkəzin “Muzey” və “Kitabxana və informasiya texnologiyaları” bölmələri ilə tanış olublar.

Burada onlara ümummilli lider Heydər Əliyevin şərəfli ömür yolu, ölkəmizin tərəqqisi uğrunda göstərdiyi çoxsaylı xidmətləri özündə əks etdirən eksponat, fotoşəkillər və kitablar haqqında ətraflı məlumat verilib.

Sonra mərkəzin “Salnamə” bölməsində Yasamal rayon Heydər Əliyev Mərkəzinin əməkdaşı Azər Zeynalzadə hərb tariximizdə yeni bir səhifə açmış Aprel döyüşləri haqqında məruzə ilə çıxış edib.

Aprel döyüşlərində şəhid olan qəhrəmanların ruhu bir dəqiqəlik sükutla yad edilib.

Sonda “Aprel döyüşləri tariximizin şanlı səhifələridir” adlı sənədli film nümayiş olunub.

Mərkəzlə tanışlıq şagirdlərdə zəngin təəssürat yaradıb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti