Sumqayıt Teatrında yeni səhnə əsəri - “Sevgilim Sumqayıt”

04 April 2019

Prezident İlham Əliyevin müvafiq sərəncamı ilə bu ilin noyabr ayında Sumqayıt şəhərinin 70 illik yubileyi təntənəli şəkildə qeyd olunacaq. Artıq şəhərdə yubiley ab-havası hiss olunmaqdadır. Sumqayıt Dövlət Dram Teatrı da şəhərin önəmli bayramına öz yaradıcılıq töhfəsini verməyə hazırlaşır. Artıq yeni səhnə əsərinin - “Sevgilim Sumqayıt” tamaşasının hazırlanmasına start verilib.

Səhnə əsərinin ideya müəllifi və layihə rəhbəri teatrın direktoru, Əməkdar artist Mübariz Həmidovdur. Onun təşəbbüsü ilə tanınmış dramaturq, Əməkdar incəsənət xadimi Əli Əmirli Sumqayıtın tarixi, mədəni-sosial, iqtisadi inkişaf mənzərəsini əks etdirən yeni pyes yazıb. Müəllif öz qəhrəmanlarını əfsanə və rəvayətlər aləmindən günümüzə gətirir, insan zəkası və zəhməti ilə gerçəkləşən möcüzəyə qovuşdurur.

Xalq artisti Firudin Məhərrəmovun quruluş verdiyi tamaşanın tərtibatı rəssam Elşən Sərxanoğluya məxsusdur.

Yeni tamaşanın mayın 15-də təhvil verilməsi nəzərdə tutulub.



© 2018 Azərbaycan Televiziya və Radio Verilişləri Qapalı Səhmdar Cəmiyyəti