Beynəlxalq Muğam Mərkəzində Vaqif Mustafazadənin əsərləri səsləndirilib

04 April 2019

Beynəlxalq Muğam Mərkəzində bəstəkar, pianoçu, caz-muğam üslubunun banisi, Əməkdar incəsənət xadimi Vaqif Mustafazadənin anadan olmasının 79-cu ildönümünə həsr edilmiş konsert keçirilib.

Bakı Şəhər Mədəniyyət Baş İdarəsi və Beynəlxalq Muğam Mərkəzinin birgə təşkilatçılığı ilə baş tutan gecədə V.Mustafazadə adına 2 nömrəli Uşaq İncəsənət Məktəbinin müəllim və şagirdlərinin ifasında maraqlı konsert proqramı təqdim olunub.

Konsertdə caz, reqtaym, blüz janrlarında caz orkestrinin müşayiəti ilə əsərlər ifa edilib. Bununla yanaşı, məktəbin rəssamlıq şöbəsi şagirdlərinin musiqi mövzusunu əks etdirən rəsm işlərindən ibarət sərgi də təşkil edilib.

Konsert tamaşaçılar tərəfindən maraqla qarşılanıb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti