“Yaradanlar və yaşadanlar”dan növbəti konsert

01 March 2019

Beynəlxalq Muğam Mərkəzində “Yaradanlar və yaşadanlar” layihəsi çərçivəsində növbəti konsert Xalq artisti Teymur Mustafayevin yaradıcılığına həsr olunub.

Mərkəzdən bildirilib ki, tədbir “Mədəniyyət” kanalı, Beynəlxalq Muğam Mərkəzi və Mədəniyyət Nazirliyinin dəstəyi ilə təşkil edilib.

Konsertdə respublikanın tanınmış incəsənət ustalarının ifasında bir-birindən parlaq mahnılar səsləndirilib. Konsertə “Sürməli qız” xalq mahnısı ilə yekun vurulub. Bu əsəri Gülyaz Məmmədova, Gülyanaq Məmmədova, Teymur Mustafayev və Teyyub Aslanov təqdim ediblər.

 Xalq artisti Ağacəbrayıl Abasəliyevin bədii rəhbərliyi altında “Səadət” instrumental ansamblı xanəndələri müşayiət edib.

Qeyd edək ki, Beynəlxalq Muğam Mərkəzində milli ədəbi və mədəni irsin təbliği və inkişafı məqsədi ilə müxtəlif tədbirlər və möhtəşəm yaradıcılıq gecələri həyata keçirilir.



© 2018 Azərbaycan Televiziya və Radio Verilişləri Qapalı Səhmdar Cəmiyyəti