Cəfər Cabbarlının həyatından bəhs edən “Zülmətdən doğan işıq” filminin təqdimatı olub

22 February 2019

Xızı rayon Heydər Əliyev Mərkəzində “Zülmətdən doğan işıq” adlı bədii-sənədli filmin ilk təqdimatı keçirilib.

Film görkəmli dramaturq Cəfər Cabbarlının 120 illik yubileyi münasibətilə ekranlaşdırılıb.

Ekran əsəri Cəfər Cabbarlının Rusiya imperiyası, Azərbaycan Xalq Cümhuriyyəti və sovet hakimiyyəti dövründə ədəbi və siyasi proseslərdə fəal iştirakından bəhs olunur. Çəkilişləri Xızı rayonunda və Bakı şəhərində həyata keçirilən filmin ssenari müəllifi və rejissoru Babək Abbaszadə, operatoru Rafiq Əliyev, elmi məsləhətçisi Asif Rüstəmli, prodüseri Nicat Məmmədov, bədii rəhbəri Tahir Əliyev, baş prodüseri İqbal Məmmədəliyevdir.

Filmin yaxın vaxtlarda Bakı şəhərində də nümayişi nəzərdə tutulur.



© 2018 Azərbaycan Televiziya və Radio Verilişləri Qapalı Səhmdar Cəmiyyəti