Dünyanın ilk rəssam robotu

18 February 2019

Böyük Britaniyada dünyanın ilk rəssam-robotu yaradılıb. Ai-Da adlandırılan bu robot süni intellektə malik ultra-realistik rəssamdır. Onun yaradıcıları ümid edirlər ki, bu robot gördüyünü çəkməklə yanaşı, həm də yarada biləcək.

Böyük Britaniyada yaradılan dünyanın ilk rəssam-robotu Ai-Da adlandırılıb. Onun xarici görünüşü demək olar ki, insandan fərqlənməyəcək. Göz almalarında gizlədilən kameralar sayəsində robot insan cizgilərini tanıya biləcək, gözlərinizə baxacaq, otaqda sizin ardınızca gəzəcək, ağzını açıb-yuma biləcək.  Ona həddindən artıq yaxınlaşdıqda Ai-Da geri çəkilərək, sanki təəccüblənərək gözlərini qırpacaq.Mühəndis Markus Holdun sözlərinə görə, görmə qabiliyyətini süni intellekt idarə edir, bu, robota üzləri izləmək, cizgiləri tanımaq və üz ifadənizi imitasiya etmək imkanı verir.Ai-Danın xarici görünüşü bir neçə irqin qarışığından ibarət olacaq. Onun uzun qara saçları olacaq, dərisi silikondan hazırlanacaq, dişləri və damaqları isə 3D printerdə çap olunacaq.



© 2018 Azərbaycan Televiziya və Radio Verilişləri Qapalı Səhmdar Cəmiyyəti