“Anadolu Atəşi” rəqs qrupu növbəti dünya turuna başlayır

18 February 2019

Türkiyənin məşhur rəqs – şou qrupu “Anadolu Atəşi” dünya turuna başlayır. Fevralın 28-də başlayacaq tur çərçivəsində  “İstanbul dreams” adlı tamaşa nümayiş olunacaq.

Rəqslərində Şərqlə Qərbin qədim mədəniyyətlərini birləşdirərək insanları birliyə səsləyən məşhur “Anadolu Atəşi” rəqs qrupu Türkiyənin mədəniyyət xadimlərindən olan Mustafa Ərdoğan tərəfindən yaradılıb. Ilk çıxışı ilə geniş auditoriyanın diqqətini cəlb edən qrup qısa zamanda dinindən, irqindən asılı olmayaraq hər kəsin böyük rəğbətini qazanıb. Xalq rəqsləri ilə baleti və rəqsin digər növlərini sintez edərək dünyaya müasir folklor  təqdim edən “Anadolu atəşi” Ginessin rekordlar kitabına iki dəfə düşüb. Dünyada üç ən böyük rəqs qruplarından biri, məhşur səhnələrdə 50 milyona yaxın tamaşaçı qarşısında çıxış edən  rəqs ansamblı 2002-ci ildən dünya turuna başlayıb. Azərbaycan da daxil olamaqla “Anadolu atəşi”  indiyədək 100-dən artıq ölkədə 5000-ə yaxın canlı konsertlə çıxış edib. Məşhur rəqs qrupu bu il də dünya turuna başlayır. Fevralın 28-də İstanbuldan başlayacaq turda “İstanbul dreams” adlı tamaşa nümayiş olunacaq. Qrup 2025-ci ildə tamaşaçılarının sayını 100 milyona çatdırmağı qarşıya məqsəd qoyub.



© 2018 Azərbaycan Televiziya və Radio Verilişləri Qapalı Səhmdar Cəmiyyəti