Bəstəkarlar İttifaqı növbəti elmi-praktik konfransına hazırlaşır

15 February 2019

Fevralın 19-da Azərbaycan Bəstəkarlar İttifaqında görkəmli bəstəkar, Xalq artisti, Dövlət mükafatı laureatı Süleyman Ələsgərovun 95 illiyinə həsr olunmuş elmi-praktik konfrans keçiriləcək.

İttifaqdan bildirilib ki, konfransda Azərbaycan Bəstəkarlar İttifaqının sədri, Xalq artisti Firəngiz Əlizadənin, Azərbaycan Bəstəkarlar İttifaqının katibləri Əməkdar incəsənət xadimləri Zemfira Qafarova və Cəlal Abbasovun, eləcə də Əməkdar incəsənət xadimi Akif Quliyev, Əməkdar mədəniyyət işçisi Səadət Təhmirazqızının görkəmli bəstəkarın həyat və yaradıcılığı ilə bağlı mühazirələri dinləniləcək.

Konfrans çərçivəsində bəstəkarın “Tar ilə simfonik orkestr üçün konsert”dən bir hissə və “Vətənimdir” romansı səsləndiriləcək.

Həmçinin, Şuşa musiqi məktəbinin şagirdləri bəstəkarın əsərlərini ifa edəcəklər.



© 2018 Azərbaycan Televiziya və Radio Verilişləri Qapalı Səhmdar Cəmiyyəti