Konservatoriyanın professoru beynəlxalq tədbirə dəvət alıb

15 February 2019

Azərbaycan Milli Konservatoriyasının (AMK) professoru Ülkər Əliyeva fevralın 16-da Rusiyanın Sankt-Peterburq şəhərində keçiriləcək, “Kralın üç maskası” (Три маски короля) baletinin dünya premyerasına dəvət alıb.

AMK-dən bildirilib ki, musiqisi Dmitriy Krılova məxsus olan baletin xoreoqrafı Yuri Smekalovadır. Hazırda Kazan şəhərində keçirilən F.İ.Şalapin adına Beynəlxalq Opera Festivalında münsiflər heyətinin üzvü qismində iştirak edən professor Ülkər Əliyeva, oradan birbaşa Sankt-Peterburq şəhərinə gedərək təqdimatda iştirak edəcək.

Qeyd edək ki, Ülkər Əliyeva Rusiyada keçirilən bir çox musiqi və teatr festivallarına dəvət alır və professorun qeydə aldığı məqalələr Rusiyanın olduqca nüfuzlu veb-səhifələrində yayımlanır.



© 2018 Azərbaycan Televiziya və Radio Verilişləri Qapalı Səhmdar Cəmiyyəti