Sinqapurda azərbaycanlı rəssamların rəsm sərgisi açılacaq

14 February 2019

Fevralın 16-da Sinqapurun “Visual Art” Mərkəzində azərbaycanlı rəssamların əsərlərindən ibarət sərgi açılacaq. Sərgidə 15 rəssamın 50-dən çox sənət əsəri təqdim olunacaq.  7 gün  ziyarətçilər üçün açıq qalacaq sərginin təşkil olunmasında məqsəd ölkəmizin mədəniyyətini dünyada təbliğ etməkdir. Qeyd edək ki, indiyədək Bolqarıstanda, Belçikada, Fransada, İtaliyada, İsveçrədə, Polşada, Macarıstanda, Böyük Britaniyada, Lüksemburq və Birləşmiş Ərəb Əmirliklərində 18 belə sərgi açılıb, bu sərgilərdə 325 rəssamın 1500-dən çox rəsm əsəri nümayiş olunub.



© 2018 Azərbaycan Televiziya və Radio Verilişləri Qapalı Səhmdar Cəmiyyəti