BAFTA kino mükafatı qaliblərinin adları açıqlanıb

11 February 2019

Londonda isə BAFTA-Britaniya Film və Televiziya Sənətləri Akademiyası mükafatının əsas nominasiyaları üzrə qaliblərin adları açıqlanıb.

BAFTA-Britaniya Film və Televiziya Sənətləri Akademiyası mükafatı 1948-ci ildən etibarən təqdim olunur. Bu dəfə ki mükafatlandırmadan əvvəl də dünyanın müxtəlif ölkələrindən olan kino ulduzlarının qırmızı xalıda keçidi həyəcanla qarşılanıb.Qaliblərə gəldikdə isəmeksikalı rejissor Alfons Kuaronun ekranlaşdırdığı “Roma” dramı “Ən yaxşı film” kateqoriyasında birinci olub. Bundan başqa, Kuaron “Ən yaxşı rejissor işi” nominasiyası üzrə də qalib gəlib. BAFTA mükafatı ən yaxşı Britaniya filmi kimi rejissor Yorqos Lantimosun lentə aldığı “Sevimli” tarixi filminə verilib. Filmdəki rollarına görə aktrisalar Oliviya Kolman və Reyçel Vays “Ən yaxşı qadın rolu” və “İkinci planda ən yaxşı qadın rolu” nominasiyalarında mükafatlara layiq görülüblər. Mükafatın “Ən yaxşı kişi rolu” nominasiyasını isə “Bohem rapsodiyası” bioqrafik filmdə Freddi Merkürini canlandıran Rami Malek qazanıb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti