“Grammy” musiqi mükafatının 61-ci təqdimetmə mərasimi keçirilib

11 February 2019

Los-Ancelesdə “Grammy” musiqi mükafatının 61-ci təqdimetmə mərasimi keçirilib. “İlin mahnısı” nominasiyası üzrə qalib mükafatlandırılıb.

“This is America” bəstəsi “İlin mahnısı” nominasiyasında “Qremmi” mükafatına layiq görülüb. Mahnı “Childish Gambino” kimi tanınan amerikalı Donald Qlover tərəfindən ifa olunub. Bu nominasiyada mükafat kompozisiya müəlliflərinə təqdim edilib. Onlar Donald Qloverlə yanaşı, isveçli bəstəkar Lüdviq Qörensen və daha çox Yanq Taq kimi tanınan amerikalı Ceffri Lamar Uilyamsdır. Bu kompazisiya həmçinin “İlin ən yaxşı səsyazması”, “Ən yaxşı musiqili video” və “Ən yaxşı rep ifa” nominasiyalarında da mükafata layiq görülüb. Keysi Masqreyvsin isə “Golden hour” albomu “İlin albomu” nominasiyasında qalib gəlib. Britaniyalı pop müğənni Dua Lipa “İlin ən yaxşı yeni ifaçısı” nominasiyasında “Grammy” mükafatını qazanıb. “Ən yaxşı rep albomu” nominasiyasında “Grammy”yə rep ifaçısı Cardi B layiq görülüb. Bu il “Grammy” mükafatına namizədlər arasında qadınların çoxluq təşkil etməsi də maraqla qarşılanıb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti