Nyu-York moda həftəsi davam edir

08 February 2019

Nyu-York moda həftəsi davam edir. Qadın və kişi geyimlərinin təqdim olunduğu dəfilədə tünd qırmızıdan boz rəngə qədər müxtəlif rənglər yer alıb.

Bredli Mişka brendinin yaradıcıları olan Mark Becli və Ceyms Mişkanın 2019-cu il payız-qış kolleksiyası Nyu-York moda həftəsində böyük maraqla qarşılanıb. Bu dəfə dizaynerlərin 50 geyimi nümayiş olunub. Öz kolleksiyalarını yaradarkən dizaynerlər idman avtomobillərindən ilhamlanıblar. Qara, metalik, bej, ağ, boz, yaşıl rənglərdə libasların hazırlanmasında muncuq və incə  naxışlardan da məharətlə istifadə olunub. Şounun sonunda modellər qırmızı rəngin 15 çalarında 20 geyim nümayiş etdiriblər. Dizaynerlərin fikrincə qırmızı xoşbəxtliyi, gücü simvolizə edir  və bu rəng əksər xanımların qarderobunda özəl yer tutur. Amerikalı dizayner Tom Ford da Nyu-York Moda Həftəsi çərçivəsində 2019-cu il payız-qış kolleksiyasını təqdim edib.Qadın və kişi geyimlərinin nümayiş olunduğu dəfilədə tünd qırmızıdan boz rəngə qədər müxtəlif rənglər yer alıb. Yeni kolleksiyanın üst geyimləri xəz, məxmər parça və dəridən tikilib.  Şounu brendin imzası sayılan zəncir aksesuarlı gecə geyimlərinin nümayişi tamamlayıb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti