“Oscar” mükafatına namizəd olan “Yaşıl kitab”...

08 February 2019

Oskar mükafatına namizədliyi irəli sürülmüş filmlərdən biri də “Yaşıl kitab” ekran işidir. Filmin mövzusu  aktuallığı ilə diqqət çəkib.

Rejissoru Piter Farelli olan  “Yaşıl kitab” filmində aktyorlar Viqqo Mortensen, Maherşala Ali, Linda Kardellini rol alıblar. Ekran işində Toni Vallelonqa obrazını canlandıran Viqqo Mortensen ssenarinin maraqlı olduğunu bildirib. O, xüsusilə filmin qəhrəmanları arasındakı fərqin diqqət çəkdiyini deyib.Filmdə musiqiçi Don Şirli obrazını canlandıran Maherşala Ali mövzunun çox aktual olduğunu bildirib. Ekran işində tamamilə müxtəlif təbəqələrdən olan iki şəxsin, məşhur afro-amerikalı pianoçu ilə Nyu-York şəhərindən olan italyan mənşəli cangüdən arasında yaranan dostluqdan bəhs olunur. Onların dostluğu 1960-cı illərdə Amerikanın cənubunda konsert turu zamanı, afro-amerikalıların Cim Krou ərazisində təhlükəsiz səyahət etmələri üçün yazılan “Yaşıl kitab” adlı kitabçadan istifadə edərkən başlayır. Toni Vallelonqa afro-amerikalı musiqiçi Don Şirlinin uzaq cənubda konsert turu zamanı onun həm sürücüsü olmalı, həm də təhlükəsizliyini qorumalıdır. Buna görə də onlar “Yaşıl kitab” adlı kitabçadan istifadə edirlər. Qeyd edək ki, bu ilin yanvarında ekran əsəri Amerika Prodüserlər Gildiyasının “Ən yaxşı film” baş kateqoriyasında mükafata və “ən yaxşı komediya filmi kimi Qızıl qlobus mükafatına layiq görülüb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti